नयाँ बजारमा ग्याँस सिलिण्डरमा आगलागी हुँदा ११ जना घाइते

काठमाडौं ,२९ असोज
काठमाडौंको नयाँ बजारस्थित एक घरमा बिहिबार ग्याँसको सिलिण्डर पड्किएर आगलागी हुँदा ११ जना घाइते भएका छन् भने २ जनाको अवस्था गम्भीर रहेको छ । काठमाडौं महानगरपालिका वडा नम्बर १६ नयाँ बजारस्थित फलफूल चोकमा रहेको नीलकुमारी क्षेत्रीको घरमा ग्याँस पड्किएर आगलागी भएको महानगरीय प्रहरी परिसर काठमाडौंका प्रहरी उपरीक्षक एवंम प्रवक्ता सोमेन्द्र सिंह राठौरले जानकारी दिनु भयो । घाइतेको मनमोहन अस्पताल काठमाडौंमा उपचार भैरहेको छ ।