नेकपा तान्द्राङ, गोरखाको अगुवा कार्यकर्ता भेला सम्पन्न

गोरखा १९ पौष
कृष्ण बहादुर लामिछाने
नेपाल कम्युनिष्ट पार्टी नेकपाको अगुवा कार्यकर्ता भेला प्रशिक्षण तथा बनभोज कार्यक्रम सिमलचौर तान्द्राङ गोरखामा शनिबार सम्पन्न भएको छ । भीमसेन थापा गाउँपालिका वडा नं ३ वडा समितिको आयोजनामा अगुवा कार्यकर्ता भेला प्रशिक्षण कार्यक्रम सम्पन्न भएको हो । पार्टीको नीति, भावी कार्ययोजना जनस्तरमा सुसुचित गराउने, पार्टी र नेतृत्वबीच दुरी कम गर्न अगुवा कार्यकर्ता भेला प्रशिक्षण कार्यक्रम राखिएको हो । प्रशिक्षण कार्यक्रमका प्रमुख अतिथि समेत रहनु भएका नेकपाका केन्द्रीय सदस्य एवम गोरखा जिल्ला कमिटी इन्चार्ज कृष्ण धितालले कार्यक्रमको उद्घाटन गर्नु भएको थियो ।
प्रमुख अतिथि धितालले पार्टीको नीतिगत विषय र विशेष अतिथि नेकपा केन्द्रीय सदस्य एवम गण्डकी प्रदेशका भौतिक पुर्वधार मन्त्री रामशरण बस्नेतले बिकास र निर्माणबारे प्रकाश पार्नु भएको थियो । भिमसेन थापा गाउँपालिका वडा नं ३ वडा समिति इन्चार्ज प्रेमकुमार पुडासैनीको अध्यक्षता रहेको अगुवा कार्यकर्ता भेला प्रशिक्षण कार्यक्रममा भीमसेन थापा गाउँपालिका समितका इन्चार्ज एवम सदस्यहरु ,काठमाडौं सम्पर्क मञ्च र गण्डकी प्रदेश सम्र्पक मञ्चका प्रतिनिधिहरु, पार्टीमा आवद्ध पर्यटन व्यवसायी, यातायात व्यबसायीहरु लगायत २ सय जना पार्टी कार्यकर्ताहरुको सहभागिता रहेको थियो ।