अन्तराष्ट्रिय स्वयंसेवक दिवसको अवसरमा गणेश हिमाल क्याम्पसले रक्तदान कार्यक्रम गर्दै

धादिङ १७ मङ्सिर
नियमित अध्ययन अध्यापनका अतिरिक्त विभिन्न सामाजिक कार्यमा अग्रसर हुदैँ आएको धादिङबेसीथ्ति गणेश हिमाल क्याम्पस धादिङले अन्तराष्ट्रिय स्वयंसेवक दिवस २०७६ को अवसरमा यही मङ्सिर २० गते बृहत खुल्ला रक्तदान कार्यक्रमको आयोजना गर्न लागेको छ । गणेश हिमाल क्याम्पस नीलकण्ठ ३, धादिङको आयोजनामा हुने उक्त बृहत खुल्ला रक्तदान कार्यक्रमको सह आयोजकमा युवा रेडक्रस सर्कल गणेश हिमाल क्याम्पस र प्राबिधिक सहयोगी भने नेपाल रेडक्रस सोसाइटी रक्त संचार सेवा केन्द्र धादिङ रहेको छ । बिहान ७ बजेबाट सुरु हुने रक्तदान कार्यक्रम क्याम्पसको प्राङ्गणमै हुने भएकाले सम्पूर्ण स्वयंसेवी रक्तदाताहरुलाई सहभागी भएर देशैभर भएको रगत अभावलाई कम गरी जीवन दान गर्नको लागि क्याम्पस प्रमुख ईश्वरी प्रसाद पाण्डेले हार्दिक अपिल गर्नुभयो ।