नीलकण्ठ माविमा दसैँ तिहार र छठको शुभकामना आदान प्रदान

धादिङ भाद्र १०
नीलकण्ठ माध्यमिक विद्यालय जिल्लाकै उत्कृष्ठ विद्यालयको रुपमा स्थापित भएको शिक्षा विकास तथा समन्वय इकाई धादिङका प्रमुख अम्बिका प्रसाद आचार्यले बताउनु भएको छ । शुक्रबार नीलकण्ठ माध्यमिक विद्यालयले विजयादशमी, शुभदिपावली तथा छट पर्वको अवसरमा आयोजना गरेको शुभकामना आदान प्रदान तथा नीलकण्ठ चौतारीको विमोचन कार्यक्रममा आचार्यले सो कुरा बताउनु भएको हो ।

नीलकण्ठ माध्यमिक विद्यालयले गुणस्तरीय शिक्षा प्रदान गर्नुका साथै जिल्लाकै नमुना विद्यालयको रुपमा चिनाउन सफल भएकोमा धन्यवाद व्यक्त गर्नु भएको छ । यस विद्यालय सिकाईकोे थलो मात्र नभई सङ्गीतको माध्यम समेत भएको आचार्यको भनाई रहेको छ । शुभकामना मन्तव्यमा बोल्दै काङग्रेस धादिङका पूर्व सभापति रामनाथ अधिकारीले नीलकण्ठ माध्यमिक विद्यालयमा प्राविधिक शिक्षाको आवश्यकता रहेको बताउनु भएको छ । नीलकण्ठ माध्यमिक विद्यालयमा अध्ययन गरेका विद्यार्थीहरु पाइलट, मन्त्रालयका सचिव देखि डाक्टरसम्म बनेको अधिकारीको भनाइ रहेको छ । विद्यालय व्यवस्थापन समितिका अध्यक्ष वद्रि प्रसाद दाहालको अध्क्षतामा सम्पन्न भएको कार्यक्रममा शिक्षा विकास तथा समन्वय इकाई धादिङका प्रमुख अम्बिका प्रसाद आचार्यको प्रमुख आतिथ्यता रहेको थियो । कार्यक्रममा नेपाली काङग्रेस धादिङका पूर्व सभापति रामनाथ अधिकारी, समाज सेवी विष्णु कुमार श्रेष्ठ, लगायत पुर्व शिक्षक तथा शिक्षिकाहरुको सहभागिता रहेको थियो । शुभकामना आदान प्रदान कार्यक्रममा विद्यार्थीहरुले विभिन्न सांस्कृतिक प्रस्तुतीहरु समेत प्रस्तुत गरेका थिए ।