धादिङको वेनीघाट रोराङ गाउँपालिका ४ स्थित अगुवा कृषकहरुका लागि वाख्रापालन तालिम सुरु

धादिङ ९ चैत्र
धादिङको वेनीघाट रोराङ गाउँपालिका वडा नम्बर ४ हर्कपुरमा अगुवा कृषकहरुका लागि वाख्रापालन तालिम सञ्चालन भएको छ ।

विहीबार एक कार्यक्रमको आयोजना गरि वेनीघाट रोराङ गाउँपालिका वडा नम्बर ४ का वडा अध्यक्ष राजु बहादुर मगरको प्रमुख आतिथ्यतामा उद्घाटन भएको हो ।

यस अघिनै गाउँपालिकाले बाख्रा पालनको पकेट क्षेत्र घोषणा गरिसकेको यस वडामा कृषकहरुलाई बाख्राको स्वास्थ्य अवस्था,खानपान,चरण क्षेत्र,खोर व्यवस्थापनबारे सम्पुर्ण जानकारी तालिममा सिकाईने वडा अध्यक्ष मगरले बताउनुभयो ।

गाउपालिकाद्धारा आयोजना गरिएको उक्त तालिममा विभिन्न गाउँटोलहरुबाट ५० जना कृषकहरुको सहभागी रहेको थियो । विहीबारबाट सुरु भएको तालिम यहि चैत्र १२ गते समापन हुने अध्यक्ष मगरले बताउनुभयो ।