चितवनको जलवीरेमा सवारी दुर्घटना हुँदा एक जना बेपत्ता

मनिष श्रेष्ठ
धादिङ श्रावण १५
नारायणगढ मुग्लिङ सडक खण्डको जलवीरेमा सवारी दुर्घटना हुँदा एक जना त्रिशुली नदीमा वेपत्ता भएका छन् । इच्छा कामना गाउँ पालिका वडा नं. ६ चितवनमा पर्ने जलवीरेमा नारायण गढबाट मुग्लिङतर्फ आउँदै गरेको बा २१ च ११ ३३ नम्बरको कारलाई विपरित दिशाबाट आउँदै गरेको ना ७ ख ३९३९ नम्बरको लहरीले ठक्कर दिएको हो । ठक्करका कारणा लहरी अनियन्त्रित भई सडकबाट ८९ फिट तल त्रिशूली नदीमा खसेको हो । दुर्घटनाका कारण लहरी चालक बारा जिल्ला परवानीपुर गाउँ पालिका वडा नं. ५ का अन्दाजी ४० वर्षीय कम्लेस शाह नदीमा बेपत्ता भएका छन् भने सोही ठाउँका वर्ष ३० का अजय कुमार यादव गम्भिर घाइते भई उपचारका लागि भरतपुर अस्पताल पठाइएको प्रहरीले बताएको छ ।