फोकस नेपाल धादिङद्धारा जिल्ला कारगार धादिङका कैदी बन्दीलाई स्वास्थ्य सुरक्षाका सामग्री हस्तान्तरण

धादिङ १२ आषाढ
फोकस नेपाल धादिङले जिल्ला कारागार धादिङका कैदी बैन्दीलाई स्वास्थ्य सुरक्षाका सामग्री वितरण गरेको छ । कोरोना भाइरस(कोभिड १९) को जोखिमलाई मध्यनजर गर्दै जिल्ला कारागार धादिङका कैदी बन्दीहरुलाई स्वास्थ्य सुरक्षाका सामग्री हस्तान्तरण गरेको हो । क्रिस्चिएन एडसँगको सहकार्यमा सञ्चालित सम्पन्न रेजिलेन्ट नेपाल परियोजना अन्तरगत कोरोना भाइरस रोकथाम र न्यूनीकरणका लागि स्वास्थ्य सुरक्षाका सामग्रीहरु मास्क, सेनिटाइजर, ग्लोब्स हस्तान्तरण गरेको कार्यक्रम संयोजक जीवन सिलवालले जानकारी दिनुभयो । कार्यक्रममा फिल्टर सहितको एन ९० फाइभ मास्क ३ सय ५० थान, २ हजार पिस सर्जिकल गोल्ब्स, २० थान सेनिटाईजर र ५ सय पिस सर्जिकल मास्क हस्तान्तरण गरिएको कार्यक्रम संयोजक सिलवालले बताउनु भयो । कार्यक्रममा फोकस नेपालका कार्यसमिति सदस्य तोला कुमारी पाठकले जिल्ला कारागार धादिङका निमित्त प्रमुख जेलर कृष्ण कुमार श्रेष्ठलाई सामाग्री हस्तान्तरण गर्नु भएको हो । स्वास्थ्य सामग्री बुझ्दै निमित्त प्रमुख जेलर कृष्ण कुमार श्रेष्ठले कैदी बन्दीहरुलाई स्वास्थ्य सामग्री हस्तान्तरण गरेकोमा धन्यवाद दिदै कोरोनाबाट सुरक्षति रहन उक्त स्वास्थ्य सामग्रीहरुले महत्वपूणर् सहयोग पुग्ने विश्वास व्यक्त गर्नुभयो । १ सय ३० कैदी बन्दी क्षमता रहेको जिल्ला कारागार धादिङमा अहिले ३ सय ५० जना कैदी बन्दीहरु रहेका छन् ।