भिमसेनथा गाउँपालिका ३ तान्द्राङ गोरखामा वडा स्तरीय कृषक भेला सम्पन्न

गोरखा १७ जेष्ठ
कृष्ण बहादुर लामिछाने
भिमसेनथापा गाउँपालिका ३ तान्द्राङ गोरखामा वडा स्तरीय कृषक भेला सम्पन्न भएको छ । भेलाले वडा स्तरीय कृषि सहकारी संस्था लिमिटेड सञ्चालन गर्ने निर्णय गरेको छ । यस क्षेत्रमा समुदायको मुख्य पेसा कृषि भएता पनि पुरानै कृषि प्रणाली भएता पनि खाद्यान्न लगायत अन्य आवश्यकता पुरा गर्न नसकेको युवा शक्तिको अभावमा खेतबारी बाझिने क्रम रहेको, दशौँ वर्षदेखि प्रयोग गर्दै आएको रासायनिक मल समयमा उपलब्ध हुन नसकेको कारणबाट खेतिबाट आशाा गरिएको उत्पादन नभएको, आधुनिक कृषि औजार तथा प्रबिधिको प्रयोगबारे अनविज्ञ देखिएको र हाल महांमारीको रुपमा फैलिएको कोरोनाका कारण रोजगारीको शिलशिलामा स्वदेशमा विदेशमा रहेका युवाहरुका रोजगारी गुम्ने प्रायः निश्चित भएसँगै उनीहरु गाउँ आउने क्रम बढिरहेको सन्दर्भमा ती युवाहरुलाई कृषि क्षेत्रमा रोजगारीको सृजना गरी उपलब्ध स्रोत साधनको उपयोग गरी स्थानीय सरकार, प्रदेश सरकारसँग समन्वय गरी स्थानीय रुपमा उत्पादन बृद्धि गरी सहज रुपमा बजारको व्यवस्थापन गर्न एउटा प्रभावकारी कृषि सहकारी संस्था सञ्चालन गर्न आवश्यक महसुस गरी वडा स्तरीय कृषि सहकारी संस्था सञ्चालन गर्ने निर्णय गरिएको हो । समुदायका जेष्ठ नागरिक यमनाथ लामिछानेको अध्यक्षता रहेको कृषक भेलाले हेमराज ढकाल अध्यक्ष रहने गरी ९ सदस्यीय तदर्थ समिति गठन गरेको छ । नवगठित तदर्थ समितिको उपाध्यक्षमा ध्वज कुमारी धमला सचिव सीताराम लामिछाने र कोषाध्यक्षमा मेघनाथ बन्जरा रहनुभएको छ । त्यस्तै सदस्यहरुमा खडानन्द सुवेदी, याम बहादुर गुरुङ, विष्णु प्रसाद खनाल, रुपा नेपाली र टीका कुमारी लामिछाने रहनुभएको छ । भेलामा वडा नं. ३ का कृषकहरु समाजसेवी, बुद्धिजीवि, जनप्रतिनिधि र पत्रकार समेतको उपस्थिति रहेको थियो ।