मङ्गलबार एकैदिन ५७ जना थपिएसँगै नेपालमा कोरोना सङ्क्रमितको सङ्ख्या १ सय ९१ पुग्यो

धादिङ ३० बैशाख
नेपालमा मङ्गलबार एकै दिन ५७ जना कोरोना सङ्क्रमित थपिएका छन् । नयाँ सङ्क्रमित सबै पुरुष रहेको स्वास्थ्य तथा जनसङ्ख्या मन्त्रालयले जानकारी दिएको छ । मन्त्रालयका अनुसार कपिलवस्तुमा ८ जना, रुपन्देहीमा ९ जना र पर्सामा ३९ जना सङ्क्रमित भेटिएका हुन् । त्यसैगरी बारामा १ जना भेटिएका छन् । यो सँगै नेपालमा सङ्क्रमितको संख्या १ सय ९१ पुगेको छ । हालसम्म प्राप्त विवरण अनुसार नयाँ सङक्रमितको स्वास्थ्य अवस्था समान्य रहेको स्वास्थ्य तथा जनसङ्ख्या मन्त्रालयका सह प्रवक्ता समिर कुमार अधिकारीद्धारा जारी विज्ञप्तीमा भनिएको छ । पछिल्ला दिनहरुमा कोरोना सङ्क्रमितहरुको सङख्या बढ्दै गएको छ । सोमबार मात्र २४ जनामा कोरोना सङक्रमण भएको पुष्टि भएको थियो ।
प्रदेशगत र जिल्लागत रुपमा पछिल्लो अपडेट यस्तो छ ।
प्रदेश नम्बर २=७२ जना
प्रदश नम्बर ५=७० जना
प्रदेश नम्बर १=३५ जना
बागमती प्रदेश=७ जना
सुदुुरपश्चिम प्रदेश=५ जना
गण्डकी प्रदेश =२ जना
कर्णाली प्रदेश = ० जना
कुल संक्रमित संख्या = १९१ जना