धुनिबेसीमा ट्रिपर दुर्घटना हुँदा एकको मृत्यु, एक घाईते

१६ बैशाख २०७७, मङगलबार
पृथ्वीराजमार्ग अन्तर्गत धादिङको धुनिवेशी नगरपालिका वडा नम्बर ९ मा ट्रिपर दुर्घटना हुँदा एक जनाको मृत्यु भएको छ भने एकजना घाईते भएका छन् । सोमबार राती ९ बजे बा.५ ख ६७७५ नम्बरको ट्रिपर अनियन्त्रित भई सडकबाट करिब ५० मिटर तल खसेर दुर्घटना भएको जिल्ला प्रहरी कार्यालय धादिङले जनाएको छ । दुर्घटनमा मृत्यु हुनेमा टिपरका सह–चालक धुनिवेशी नगरपालिका वडा नम्बर ९ का ३० वर्षीय अमृत बोगटीको मृत्यु  रहेको छ । दुर्घटनामा परी गम्भीर घाइते भएका बोगटीको ट्रमा सेन्टर काठमाडौंमा उपचारको क्रममा मृत्यु भएको हो । दुर्घटनामा घाइते भएका ट्रिपर चालकको वीर अस्पतालमा उपचार भईरहको छ ।