भिमसेन थापा गाउँ पालिका गोरखाद्धारा सरसफाई अभियान सञ्चालन

गोरखा २१ माघ
भिमसेन थापा गाउँ पालिका गोरखाले मङ्गलबार गाउँ कार्यापालिकाको कार्यालय वरपर सरसफाई गरेको छ । स्वच्छ गाउँ पालिका र सरसफाइयुक्त गाउँ पालिका निर्माण गर्ने लक्ष्यका साथ अगाडि बढेको गाउँ पालिकाले त्यसको सुरुवात आफ्नै कार्यालय परिसरबाट गरेको हो । सरसफाई कार्यक्रममा गाउँ पालिकाका प्रमुख प्रशासकीय अधिृकत कष्ण थापाको नेतृत्वमा गाउँ कार्यपालिकामा कार्यरत सम्पूर्ण कर्मचारीहरुको सहभागिता रहेको थियो । सरसफाई कार्यक्रममा सहभागि हुदैँ प्रमुख प्रशासकीय अधिकृत कृष्ण थापाले गाउँ पालिकाले आफ्नो कार्यालय परिसर मात्रै होइन सिङ्गो गाउँ पालिका नै सफा, स्वच्छ र हराभरा राख्नुपर्छ भन्ने सन्देश दिनका लागि समेत अभियानकै रुपमा सरसफाई कार्यक्रम गर्दै आएको बताउनु भयो ।