नगर स्तरीय चित्रकला प्रतियोगितामा धादिङ बोर्डिङकी नन्दिता श्रेष्ठ प्रथम, न्यू धादिङ बोर्डिङका सक्षम शाह द्धितीय

धादिङ २० माघ
नगरपालिका स्तरीय चित्रकला प्रतियोगितामा धादिङ बोर्डिङ स्कुलकी कक्षा ५ मा अध्ययनरत छात्रा नन्दिता श्रेष्ठ प्रथम भएकी छन् । सोमबार नीलकण्ठ नगरपालिका शिक्षा, युवा तथा खेलकुद शाखाले आयोजना गरेको कक्षा १–५ तहको हरित विद्यालय शीर्षकको चित्रकला प्रतियोगितामा श्रेष्ठ प्रथम भएकी हुन् । यस्तै प्रतियोगितामा न्यू धादिङ बोर्डिङ स्कूलका सक्षम शाह द्धितीय, एडभान्स एकेडेमीका मौसम गुरुङ तृतीय र नीलकण्ठ माविका जस्मिन तिरुवा सान्त्वना भएका छन् । विजयी विद्यार्थीहरुलाई क्रमश : नगद ४ हजार, ३ हजार, २ हजार र १ हजार सहित प्रमाणपत्रद्धारा पुरस्कृत गरिएको थियो ।
यस्तै भ्रमण वर्ष २०२० अवसर र चुनौति विषयक माध्यमिक विद्यालय स्तरीय वक्तृत्वकला प्रतियोगितामा चण्डेश्वरी माविका सञ्जिव वि.क प्रथम, शङ्खादेवी माविका सदीक्षा वि.क. द्धितीय, नीलकण्ठ माविका रोशन कोइराला तृतीय र पञ्चकन्या माविका समिता गुरुङ सान्त्वना भएका हुन् । विजयी विद्यार्थीहरुलाई क्रमश : नगद ५ हजार, ४ हजार, ३ हजार र १ हजारका साथै प्रमाणपत्रद्धारा पुरस्कृत गरिएको हो ।