धादिङ कालिदहमा स्थानीय २ व्यक्ति मृत फेला

धादिङ १४ माघ
धादिङको सिद्धलेक गाउँपालिका वडा नं १ कालिदहमा सोमबार साँझ २ वटा सब फेला परेको छ । सिद्धलेक गाउँपालिका वडा नं १ कालिदहका ५७ बर्षीय नकुल सापकोटा र ३८ बर्षीय भीमबहादुर गुरुङ मृत अवस्थामा फेला परेका हुन् । मृतक सापकोटा र गुरुङ बिशेष कामले वडा कार्यलयमा गई घर फर्कने क्रममा साँझ भिरबाट लडेको खबर प्राप्त हुनासाथ जिल्ला प्रहरी कार्यालय धादिङको टोली घटनास्थलमा पुगेको थियो । मृतक दुवै जनाको लास पोस्ट मार्टमको लागि जिल्ला अस्पताल धादिङ ल्याइएको छ । मृतकहरुको साथमा सहकारी शेयर सदस्यको परिचयपत्र र रु २० हजार नगद रहेको जिल्ला प्रहरी कार्यालय धादिङका प्रहरी उपरीक्षक रविन्द्र रेग्मीले जानकारी दिनु भयो । भिरबाट लडेको प्रारम्भिक जानकारी आएता पनि लासको पोष्ट मार्टम हुन बाकि भएकाले घटना सङ्कास्पद रहेको अनुमान गरिएको छ ।