सरस्वती प्रावि तान्द्राङ गोरखाको ३० औँ वार्षिक उत्सव तथा विद्यालय भवन उद्घाटन

गोरखा १७ पौष
कृष्ण बहादुर लामिछाने
सरस्वती प्राथमिक विद्यालय तान्द्राङ गोरखाको ३० औँ वार्षिक उत्सव तथा नव निर्मित विद्यालय भवन उद्घाटन कार्यक्रम बिहिबार सम्पन्न भएको छ । कार्यक्रमका प्रमुख अतिथि समेत रहनु भएका भिमसेन थापा गाउँ पालिका गोरखाका सामाजिक विकास समितिका संयोजक नारायण भट्टराईले दिप प्रज्वलन गरी कार्यक्रम उद्घाटन गर्नुका साथै रिवन काटी नव निर्मित भवनको उद्घाटन गर्न भएको हो । जिल्ला आयोजना कार्यान्वयन इकाई (शिक्षा) गोेरखाको रु . ६६ लाखमा ४ कोठे भवन निर्माण भएको हो । वार्षिक उत्सवको अवसरमा अन्तर प्रावि हाजिरी जवाफ प्रतियोगिता र अभिभावकहरुका लागि खेल खेलाइएको थियो । विजयी खेलाडी तथा टिमलाई शैक्षिक सामग्रीबाट पुरस्कृत गरिनुका साथै विद्यालयलाई हालसम्म सहयोग गर्नुहुने महानुभावहरुलाई सम्मान गरिएको थियो ।

शिक्षक वद्रि प्रसाद लामिछानेले सञ्चालन गर्नुभएको कार्यक्रममा शिक्षक सोभा प्रोखरेलले स्वागत मन्तव्य स्वागत मन्तव्य राख्नुभएको र प्रधानाध्यापक होमनाथ ढकालले विद्यालयको शैक्षिक भौतिक र आर्थिक प्रतिवेदन प्रस्तुत गर्नुभएको थियो । विद्यालय व्यवस्थापन समितिका अध्यक्ष विष्णु प्रसाद खनालको अध्यक्षता रहेको समारोहमा भिमसेन थापा गाउँ पालिका सामाजिक विकास संयोजक नारायण भट्टराईको प्रमुख आतिथ्यता रहेको थियो । वडा नं. ३ का वडा अध्यक्ष लिला नाथ लामिछाने, गाउँ शिक्षा अधिकारी यान बहादुर नेपाली, संस्कृत माध्यमिक विद्यालयका प्रधानाध्यापक श्याम प्रसाद लामिछाने लगायतको विशेष आतिथ्यता रहेको समारोहमा व्यवस्थापन समितिका सदस्यहरु, शिक्षक अभिभावक र विद्यार्थीहरुको उपस्थिति रहेको थियो ।