गणेश हिमाल क्याम्पस धादिङमा स्पोर्ट्स फेस्टिभल सुरु

अपिल कोइराला
धादिङ ०६ पुस
स्वास्थ्यका लागि खेलकुद राष्ट्रका लागि खेलकुद भन्ने राष्ट्रिय लक्ष्यलाई आत्मसात गर्दै आइतबारबाट गणेश हिमाल क्याम्पस नीलकण्ठ–३ रानीधारा टोल धादिङमा स्पोट्र्स फेस्टिभल सुरु भएको छ । ११ गतेसम्म सञ्चालन हुने कार्यक्रममा म्याराथन, सटपुट, हाइजम्प, लङजम्प, १००, २०० र ४०० मिटरका दौड, फुटसल, टग अफ वार, चेस, भलिबल लगायत २० भन्दा बढी खेलहरु समावेश गरिएको छ । स्पोट्र्स फेस्टिभलको आइतबार क्याम्पस सञ्चालक समिति सदस्य कृष्ण प्रसाद दाहालले शिक्षक भसेर्स विद्यार्थी भलिबल प्रतियोगिताको बल सर्भिस गरेर उद्घाटन गर्नु भएको हो ।

कार्यक्रम अन्तरगत आइतबार छात्र छात्रा म्याराथन भएको थियो । क्याम्पस गेटबाट ससाहसम्म करिब ३ किलोमिटर भएको छात्र म्याराथनमा राजन तामाङ प्रथम, रमेश तामाङ द्धितीय र आशिष कुमार तामाङ तृतीय भएका थिए । यस्तै पुछारबजारदेखि क्याम्पस गेटसम्म करिब १ किलोमिटरको छात्रा म्याराथनमा विनिता गुरुङ प्रथम, अनिषा गुरुङ द्धितीय र गीता कुमाल तृतीय भएका थिए ।

नियमित शिक्षण कार्यकलापमा  उत्तिक अब्बल र उत्कृष्ठ रहेको गणेश हिमाल क्याम्पसका विद्यार्थीहरु खेलकुद र अतिरिक्त कृयाकलापमा पनि उत्तिकै सक्रिय सहभागित जनाएको क्याम्पस प्रमुख ईश्वरी प्रसाद पाण्डेले बताउनु भयो ।