नेकपा माओवादी केन्द्र गंगाजमुना गाउँसमितिको अध्यक्षमा रामेश्वर सिंखडा

धादिङ २० पौष

नेकपा माओवादी केन्द्र गंगाजमुना गाउँसमितिको तेस्रो सम्मेलन पछिको पहिलो बैठक सम्पन्न भएको छ ।

गत मंसिर २८ गते निर्वाचित ४५ सदस्य मध्ये ज्येष्ठ सदस्य रामेश्वर सिंखडाको सभापतित्व माओवादी केन्द्रका केन्द्रिय सदस्य राम बहादुर भण्डारीको प्रमुख आतिथ्यतामा नेकपा माओवादी केन्द्र बागमती प्रदेश कमिटीको सहसचिव दल बहादुर बुर्लाकोटी र नेकपा माओवादी केन्द्र बागमती प्रदेश कमिटी सदस्य तथा गाउँपालिका ईन्चार्ज नवराज अधिकारीको विशेष आतिथ्यता रहेको थियो ।

त्यस्तै सम्पूर्ण वडाका वडा कमिटीका अध्यक्ष तथा सचिवहरुको आतिथ्यता रहेको थियो । उक्त बैठकबाट अध्यक्षमा रामेश्वर सिंखडा चयन हुनुभएको छ । त्यसैगरि उपाध्यक्षमा राजकुमार कार्की,यम तामाङ र किन्द्र बहादुर अधिकारी,सचिवमा टिकाराम न्यौपाने, कोषाध्यक्षमा कुमार बहादुर अधिकारी र सह–सचिवमा भद्र कुमारी रोकाया लगायत ३८ जना सदस्यहरु रहने गरि सर्वसम्मत रुपमा चयन गरिएको गंगाजमुना गाउँपालिकाको गाउँ पार्टी अध्यक्ष एवम् जन निर्वाचित उपाध्यक्ष रामेश्वर सिंखडाले रेडियो बिहानीलाई जानकारी दिनुभयो ।