माओवादी केन्द्र रुविभ्याली गाउँपालिका सम्मेलन सम्पन्न,अध्यक्षमा करिमान तामाङ निर्वाचित

धादिङ २२ मंसिर

नेकपा माओवादी केन्द्र धादिङको रुविभ्याली गाउँपालिकाको गाउँपार्टी कमिटी सम्मेलन सम्पन्न भएको छ ।

नेकपा माओवादी केन्द्र गाउँपार्टी कमिटी निवर्तमान अध्यक्ष कर्म लामा तामाङको अध्यक्षतामा सम्पन्न भएको सम्मेलन बाट करिमान तामाङको अध्यक्षतामा ५ सदस्य पछि थप गर्ने गरि ४० सदस्यीय नयाँ कार्य समितिको गठन गरिएको छ ।

जसको उपाध्यक्षमा विपिन तामाङ, नर बहादुर गुरुङ र गजेन्द्र गुरुङ चयन भएको छ भने सचिवमा म्लङ्गे तामाङ,कोषाध्यक्षमा लालिमाया तामाङ र सह–सचिवमा बविल घले निर्विरोध चयन भएका छन् ।

नेकपा माओवादी केन्द्र रुवीभ्यालीको निवर्तमान अध्यक्ष कर्म लामा तामाङको अध्यक्षतामा भएको कार्यक्रममा नेकपा माओवादी केन्द्र धादिङका ईञ्चार्ज एवम् संविधान सभाका सदस्य पुष्प विक्रम मल्लको प्रमुख आतिथ्यता रहेको थियो भने माओवादी केन्द्रका केन्द्रिय सदस्य राम बहादुर भण्डारी, बागमती प्रदेशका सह–सचिव दलबहादुर बुर्लाकोटी, धादिङका संयोजक मनराज भण्डारी प्रदेश सदस्य एवम् गाउँपालिका अध्यक्ष रामसिंह तामाङ, मिम्बा तामाङ लगायतको आतिथ्यता रहेको थियो ।

उक्त पालिका सम्मेलनमा कलाकार राज गोम्जा र सन्दिप स्याम्चेनको भव्य साँस्कृतिक प्रस्तुती समेत रहेको थियो । नेकपा माओवादी केन्द्रले सरकारले गरेको जनविरोधी कदमको विरुद्धमा खबरदारी सभाको आयोजना गर्दै धादिङका १३ वटै स्थानीयतहरुमा पालिका सम्मेलन व्यापक रुपमा गर्ने भएको छ ।