रामकोट बचत तथा ऋण सहकारीद्धारा ज्येष्ठ नागरिक सेयर सदस्यहरुलाई सम्मान

धादिङ १० कार्तिक

रामकोट बचत तथा ऋण सहकारी संस्थाको १५ औं स्थापना दिवसको अवसरमा ज्येष्ठ नागरिकहरुलाई सम्मान गरिएको छ ।

आज संस्थाको स्थापना दिवसको अवसरमा ५० जना जेष्ठ नागरिकहरुलाई लौरो र प्रमाणपत्र प्रदान गरि दोसल्ला ओढाएर सम्मान गरिएको हो ।

सम्मानित हुने ज्येष्ठ नागरिक सेयर सदस्य ७० वर्ष पुरा भएको हुनुपर्ने, दैनिक मासिक बचत गरेको हुनुपर्ने, खाता खोलेको ३ वर्ष पुरा भएको हुनुपर्ने जस्ता ३ वटा मापदण्डलाई आधार बनाएर सम्मान गरिएको थियो ।

२०६६ साल कार्तिक १० गते स्थापना भएको रामकोट बचत तथा ऋण सहकारी संस्था लि.ले आफ्नो स्थापना कालको १५ वर्ष पुरा गर्दै गर्दा विभिन्न सामाजिक सुरक्षा, वित्तिय र सामाजिक सेवाको कार्यक्रमहरु सञ्चालन गर्दै आएको संस्थाको अध्यक्ष राजकुमार श्रेष्ठले बताउनुभयो ।

संस्थाले जेष्ठ नागरिहरुलाई पनि सम्झेर सम्मान गरेकोमा सहभागिहरुले खुशी व्यक्त गरेका छन् ।

कार्यक्रमका प्रमुख अतिथी प्रकाश कुमार श्रेष्ठले संस्था १५ वर्ष पुरा भई १६ वर्ष लाग्दै गर्दा संस्थाले थुप्रै उत्तरचढाबहरु झेल्दै यो अवस्थामा आईपुगेको र संस्थामा सम्पूर्ण सेयर सदस्यले ढुक्क भएर बचत गर्न र अन्य छरछिमेकीलाई पनि बचत गर्ने वातावरण निर्माण गरिदिन अनुरोध गर्नुभएको छ । साथै संस्थाले सधै ईमानदार र कर्तव्य निष्ठ भएर थुपै्र सामाजिक कामहरु गदै आईरहेको बताउनुभएको छ ।