त्रिपुरा सुन्दरी गा.पा–७ खहरेमा बृहत खुल्ला रक्तदान कार्यक्रम हुदै

धादिङ ११ असोज

धादिङको त्रिपुरा सुन्दरी गाउँपालिका वडा नम्बर ७ खहरेमा बृहत खुल्ला रक्तदान कार्यक्रम सञ्चालन हुने भएको छ ।

भोली असोज १२ गते शनिबार नेत्रावती बचत तथा ऋण सहकारी संस्था लिमिटेडको १७ औं वार्षिक साधारण सभाको अवसरमा रक्तदान कार्यक्रमको आयोजना गर्न लागिएको हो ।

नेत्रावती बचत तथा ऋण सहकारी संस्था लिमिटेडको आयोजनामा अचने मा.वि परिसर खहरे बजारमा बिहान ११ बजे देखि सांझ ४ बजे सम्म सञ्चालन हुने कार्यक्रममा नेपाल रेडक्रस सोसाईटी रक्त संचार सेवा केन्द्र धादिङको प्राविधिक सहयोग रहने छ ।