कृषक जागरण फलफूल तथा तरकारी सहकारीको १४ औँ साधारण सभा सम्पन्न

धादिङ २३ कार्तिक
श्री कृषक जागरण फलफूल तथा तरकारी सहकारी संस्था लिमिटेड धादिङको १४ औं बार्षिक साधारण सभा कार्यक्रम शनिबार नीलकण्ठ नगरपालिका वडा नं ४ गैरी गाउँमा सम्पन्न भएको छ । कृषक जागरण फलफूल तथा तरकारी सहकारी संस्था लिमिटेड धादिङका अध्यक्ष कृष्ण कुमार श्रेष्ठको अध्यक्षता रहेको कार्यक्रममा प्रदेश सभा सदस्य डा. राजाराम कार्कीको प्रमुख आतिथ्यता रहेको थियो । २ सय ८७ महिला र१ सय ९७ पुरुष तथा संस्थागत ७ गरी कुल ४ सय ९१ जना सेयर सदस्य रहेको सहकारीको कुल शेयर पुँजी १५ लाख ६५ हजार ३ सय रहेको छ । कृषक जागरण फलफूल तथा तरकारी सहकारी संस्था लिमिटेड धादिङको नीलकण्ठ नगरपालिका वडा नं १,२,३,४,५ र १२ वडा सम्म कार्य क्षेत्र रहेको छ । बार्षिक साधारण सभा कार्यक्रममा नीलकण्ठ नगरपालिका वडा नं ४ का वडा अध्यक्ष शिवराज गिरी, नीलकण्ठ नगरपालिका वडा नं ४ की गण्डकी खतिवडा, दलित महिला सदस्य जानुका मिजार लगायन शेयर सदस्यहरुको सहभागिता रहेको राजेन्द्र राना मगरले जानकारी दिनुभयो ।