मादल व्यवसायबाट मासिक १ लाख आम्दानी (अडियो रिपोर्ट सहित)

धादिङ ०८ कार्तिक
चाडपर्व नजिकिए सँगै धादिङका अधिकांश मादल पसलहरुमा मानिसहरुको भिड लाग्न थालेको छ । तिहारमा देउँसी भैलो खेल्न मादल किन्ने र बनाउनेहरुको भिड लागेको हो । विशेष गरी शुभ दिपावलीको समयमा मानिसहरुले साथीभाईहरुसँग मिलेर रमाइलो गरी देउसी भैलो तथा विभिन्न नाँचगान गर्नको लागि मादल लगायत बासुरी जस्ता नेपाली लोकबाजाहरुकोको प्रयोग गर्ने गरिन्छ तर व्यवसायीहरु भने विस्तारै पश्चिमी आधुनिक बाजाहरुको प्रभावका कारण नेपाली लोक बाजाहरुको व्यवसाय खस्किदै गएको गुनासो गर्दछन् । धादिङवेसीमा लामो समयदेखि उद्योगको रुपमा मादल व्यवसाय सञ्चालन गर्दै आएका अनिषा कुन्दू अघिल्लो बर्षको तुलनामा यस बर्ष मादल विक्री वितरण निकै कम भएको गुनासो गर्छिन् । व्यापार कम भएता पनि मासिक करिब १ लाख सम्म कमाउने गरेको उनले बताइन् । आधुनिक बाजा गाजाको प्रयोग गरि देउसी भैलो खेल्ने र नाचगान गर्ने हुनाले पहिलेको तुलनामा अहिले मादल किन्न आउने मानिसहरु निकै कम भएको अनिषा कुन्दुले बताएकी हुन् ।

देउसी भैलो खेली मनोरञ्जन लिन वा दिनकोे लागि विभिन्न किसिमका मादल, बासुरी बजाएर विभिन्न गीत संगीतमा नाच गान गर्ने भएकोले तिहारलाईे हर्ष र उल्लासको चाड पनि भन्ने प्रचलन रहेको अर्जुन सापकोटा बताउनु हुन्छ । सामान्यतया एउटा मादलको मूल्य १ हजारदेखि ३ हजारसम्ममा विक्री वितरण हुने भएकाले मादल ब्यापारबाट राम्रो आम्दानी लिन सकिने उहाँको भनाइ रहेको छ । पहिलेको तुलनामा यस बर्ष मादल किन्न आउने मानिसहरु निकै कम भएको कालीका मादल पसलका विष्णु रम्तेलले बताउनु भयो । विशेष गरी मादलको लागि आवश्यक पर्ने सामग्रीहरु नुवाकोट, नारायणघाटबाट ल्याउने पर्ने भएकाले दुवानीको समस्या हुने रम्तेलले बताउनु भयो । मादल तयार भएपछि गोरखा, काठमाडाँै र धरानमा बढी मात्रामा ग्राहकहरुले मादलहरुको माग गर्ने गरेको समेत उहाँले बताउनु भयो ।
अडियोको लागि तल क्लिक गर्नुहोस् ।