खनियावास गाउँपालिकामा शहिद दोन्दुको शालिक अनावरण

धादिङ १४ कार्तिक
बागमती प्रदेश सरकारका मुख्यमन्त्री शालिकराम जम्कट्टेलले खनियाबास गाउँपालिका वडा नम्बर ४ धार्ना दार्खामा निर्माण भएको जनयुद्धका सहिद गणेश तामाङ (दोन्दु) को शालिक अनावरण गर्नुभएको छ ।

गाउँपालिकाको सहयोगमा निमार्ण भएको शालिक सोमबार एक कार्यक्रम बिच मुख्यमन्त्री जम्कट्टेलले अनावरण गर्नु भएको हो । २०५८ साल असार २२ गते तारुका चौकी आक्रमणमा दोन्दुको प्रहरी सँगको भिडन्तका क्रममा सहादत भएको थियो ।

खनियाबास गाउँपालिकाका उप प्रमुख सेक्केमान तामाङको अध्यक्षतामा भएको उक्त कार्यक्रममा माओवादी केन्द्र बागमती प्रदेशका सह सचिव दलबहादुर बुर्लाकोटी (विजय), माओवादी केन्द्र धादिङका संयोजक मनराज भण्डारी (शैलेस), जिल्ला समन्वय समिती प्रमुख नवराज अधिकारी, सचिव दिपक लामिछाने (सुवोध), सहिद दोन्दुको धर्मपत्नी फुलमायाँ तामाङ, सहिद परिवारका अन्य सदस्यहरुको आतिथ्यता रहेको थियो ।

तस्वीर – धादिङ सञ्चार