खनियाबास – ४ दार्खामा एक महिलामाथि धारिलो हतियार प्रहार

धादिङ २२ श्रावण

धादिङको उत्तरीभेग खनियाबास गाउँपालिकाको वडा नम्बर ४ दार्खामा एक महिलालाई धारिलो हतियार प्रहार गरी गम्भीर घाईते बनाईएको छ ।

कानमा आएर कराएको निहुँमा आईतबार अपह्रान्न ४ बजेको समयमा ३० वर्षिय सागर पौडेलले ३५ वर्षिया अञ्जु सिंखडालाई धारिलो हतियार प्रहार गरि गम्भीर घाईते बनाएको जिल्ला प्रहरी कार्यालय धादिङका प्रमुख प्रहरी उपरिक्षक गौतम मिश्रले जानकारी दिनुभयो ।

गम्भीर घाईते सिंम्खडाको कामाण्डौंमा उपचार भईरहेको जिल्ला प्रहरी कार्यालय धादिङका प्रमुख प्रहरी उपरिक्षक मिश्रले बताउनुभयो । सिंम्खडाको टाउँको र हातमा गम्भीर चोट लागेको प्रमुख प्रहरी उपरिक्षक मिश्रले बताउनुभयो ।

खुुकुरी प्रहार गर्ने पौडेललाई थप अनुसन्धानका लागि पक्राउ गरि हिरासतमा राखिएको छ ।