महेन्द्र माध्यमिक विद्यालयलमा तीन दिने अन्तरक्रिया तथा अभिभावक भेटघाट कार्यक्रम सम्पन्न

धादिङ २३ चैत

धदिङको नीलकण्ठ नगरपालिका वडा नम्बर २ साँखुमा अवस्थित महेन्द्र माध्यमिक विद्यालयलको ३ दिने अन्तरक्रिया तथा अभिभावक भेटघाट कार्यक्रम सम्पन्न भएको छ ।

बुधबार विद्यालयले एक भव्य कार्यक्रमको आयोजना गरि ‘संस्कारी र अनुशासित विद्यार्थी विद्यालयको गहना, व्यावहारिक जीवानपयोगी र गुणस्तरीय हाम्रो चाहना’ भन्ने मूल नाररलाई सार्थक बनाउन अभिभावक भेटघाट एवं अन्तरक्रिया कार्यक्रमसंञ्चालन गरिएको विद्यालयका प्रधानध्यापक जानुका कँडेलले बताउनुभयो ।

घर बालबालिकाको पहिलो पाठशाला र अभिभावक पहिलो शिक्षक भएको हुनाले बालबालिकालाई ज्ञानी लगनशील, सभ्य, संस्कारी र अनुशासित बनाउने दायित्व अभिभावकको बढी रहने कुरामा छलफल भएको हो ।

सभ्य, संस्कारी र अनुशासित बनाउने जिम्मेवारी विद्यालयको मात्र नभइकन अभिभावकको पनि भएको हुनाले बालबालिकाको शैक्षिक सुधारको लागि आवश्यक सहयोग गर्नको लागि अनुरोध समेत गर्नुभयो ।

बालबालिकाको शैक्षिक लगयात आनी,बानी, व्यवहार, संस्कार, स्वभाव,र आचरण सुधारका लागी विद्यालय, घरपरिवार र सिङगो समाज नै लागि पर्ने कुरामा जोड दिएको थियो । यसबाट समुदाय र विद्यालयबीचको सम्बन्ध पारीवरिक बनाउनमा मद्दत मिल्ने कँडेलले बताउनुभयो।

अभिभावक, समुदाय र विद्यालयबीचको सम्बन्ध सुमधुर बनाई विद्यालयप्रति र आफ्ना बालबालिकाको सिकाईप्रति अभिभावकलाई पनि जिम्मेवार बनाउन सके बालबालिकाको सिकाइ थप परिस्कृत र सुसज्जित हुने कुरामा जोड दिएको थियो ।

साथै अभिभावक, समुदाय र विद्यालयबीचको सम्बन्ध विस्तार र विकास गर्नको लागि हरेक टोलटोलमा शिक्षा समिति गठन गरिएको बताउनुभयो ।

अगामी शैक्षिक बर्ष २०८० मा विद्यालयको गतिविधि र योजनाहरुको बिषयमा आभिभावकहरुलाई जानकारी दिएको प्रधानध्यापक कँडेलले बताउनुभयो ।

अन्तरक्रिया कार्यक्रममा विद्यालय व्यवस्थापन समिती अध्यक्ष र सदस्यहरु र शिक्षक अभिभावक संघ संयोजक र सदस्यहरु, विद्यार्थीहरु, अभिभावकहरु, समाजका बुद्धिजिवीहरु, अभिभावकहरु,विद्यालयका भूतपुर्व विद्यार्थी समाजको सदस्यहरु,र शिक्षकहरुको उपस्थिति रहेको थियो ।