स्ववियू निर्वाचन अखिल क्रान्तिकारीको जित,सफल भयो धादिङमा लालकिल्ला जमाउन

धादिङ छ चैत्र
अखिल क्रान्तिकारी धादिङले स्ववियू निर्वाचनमा धादिङमा लालकिल्ला जमाउन सफल भएको छ ।
धादिङको धुनीवेसी नगरपालिकामा मछिन्द्र बहुमुखी क्याम्पसमा जित सुनिश्चित गरिएको छ ।

बेनिघाट रोराङ गाउपालिकामा नेविसंघ र अनेरास्ववियुको गठबन्धन विरुद्ध एक्लै उम्मेदवारी दिएको अखिल (क्रान्तिकारी)ले चन्द्रोदय बहुमुखी क्याम्पसमा सभापति संन्जित सुवेदी लगायत प्यानलनै विजय भएको छ ।

यसैगरि जय बागेश्वरी बहुमुखी क्याम्पस मलेखुमा पनि नेविसंघ र अनेरास्ववियुको गठवन्धन विरुद्ध अखिल (क्रान्तिकारी)ले नबराज त्रिपाठी संगै प्यानलनै निर्वाचित भएको छ । गजुरीको आदर्श बहुमुखी क्याम्पसमा पनि अखिल क्रान्तिकारीको विजय भएको छ ।

यस अघि नेत्रावती बहुमुखी क्याम्पसमा पनि निर्विरोध रुपमा विजय घोषणा भईसकेको छ ।अहिले सम्म धादिङको ५ वटा क्याम्पसहरुमा अखिल क्रान्तिकारीको झण्डा फरफराई विजय घोषण भईसकेको छ ।

जसमा धादिङको नीलकण्ठमा पनि सभापति श्रीकृष्ण रिजालको नेतृत्वमा ८ गते हुने निर्वाचनमा जित सुनिश्चित भईसकेको र जितको पक्षमा मतदान गर्ने स्नातक तहमा अध्ययनरत विद्यार्थीहरुको भनाई छ ।