नीलकण्ठ धादिङबेसी सुगमटोलमा रहेको राधाकृष्ण मन्दिर सञ्चालनका लागि ११ लाख सहयोग

धादिङ ०५ भाद्र
धादिङ जिल्ला नीलकण्ठ नगरपालिका वडा नं. ३ धादिङवेसी बिचबजार सुगमटोलमा रहेको श्री राधाकृष्ण मन्दिरको १५ औँ वार्षिक साधारण सभाको अवसरमा मन्दिरमा नियमित पूजा संचालनको लागि समितिका अध्यक्ष तथा संरक्षक सर्वाेच्च अदालतका पुर्व न्यायाधिश ज्ञाईन्द्र बहादुर श्रेष्ठ र वहाँका सुपुत्र मन्दिरका संरक्षक अधिवक्ता श्री नारायण श्रेष्ठबाट नगद रु. (एघार लाख एक हजार एक सय एघार रुपयाँ) रकम प्रदान गरेर अक्षयकोषको स्थापना गर्नु भएको छ । २०५२ सालमा आफ्नो एकल प्रयासबाट मन्दिर स्थापना गरिएको भएता पनि मन्दिरको संचालन व्यवस्थापन स्थानीय समाजसेवी राजकुमार श्रेष्ठ, मोहन कुमार श्रेष्ठ, गोविन्दराज श्रेष्ठ, गोविन्दकुमार श्रेष्ठ, बद्रीकुमार श्रेष्ठ, प्रदिप अधिकारी, रुद्रबहादुर खत्री लगायत स्थानीय समाजिक व्यक्तित्वहरुले मन्दिरको व्यवस्थापकिय जिम्मेवारी निर्वाह गर्नु भएकोले ढुक्क भएर आफुले निर्माण गरेको मन्दिरमा सदाकालागि नियमित पुजा अर्चनामा आर्थिक कठिनाई नआओस भन्नका लागि आफु र एक मात्र सुपुत्र अधिवक्ता नारायण श्रेष्ठले लेखेको कानुनी कितावको रोयल्टी वापतको रकमबाट यो कोषको व्यव्था गरिएको कुरा वताउनु भयो । मन्दिर जीर्ण भएकोले जिर्णाेद्वारको लागि लाग्ने रकम समेत आफुले व्यवस्था गर्ने कुरा व्यक्त गर्नु भयो । साधारण सभामा मन्दिर अगाडिको जग्गा संरक्षण विहिन भएकोले उक्त जग्गामा ट्रस निर्माण गर्ने समेत निर्णय भएको छ ।

ट्रस निर्माणको लागि आजै उपस्थित महानुभावहरुबाट नगद तथा जिन्सी गरी १,५०,००० भन्दा वढी रकम संकलन भएको छ । साधारणा सभाले मन्दिर सरसफाईको लागि सहयोग गर्ने धादिङ सोसियल भोलेन्टियर नामक संस्थालाई धन्यवाद ज्ञापन गरेको छ । भगवान श्रीकृष्ण जन्माष्टमीको अवसरमा मन्दिरमा पुजा अर्चना हुने गरेको छ भने भाद्र ७ गते धादिङ वेसी बजारमा रथ यात्रा गराईने भएकोले सम्पुर्ण भक्तजनहरलाई पुजा अर्चनामा सहभागी भईदिनु हुन आमन्त्रण समेत गरिएको छ ।