फोटो पत्रकार समुह ३ नम्बर प्रदेशको अध्यक्षमा नारायण सिलवाल, जिल्ला अध्यक्षमा मनिष दुवाडी

धादिङ ०२ भाद्र

अन्तराष्ट्रिय फोटोग्राफी दिवसको अवसरमा धादिङबेसीमा भएको राष्ट्रिय फोटो पत्रकार समुह नेपाल ३ नम्बर प्रदेशको अध्यक्षमा धादिङका नारायण सिलवाल चयन भएका छन् । राष्ट्रिय फोटो पत्रकार समुह नेपालका केन्द्रिय समितिका पदाधिकारी तथा सदस्यहरुको उपस्थितिमा भएको उक्त प्रथम अधिवेशनबाट यस अघि धादिङ जिल्लाको अध्यक्षमा रहेर काम गरीसकेका सिलवाल अध्यक्षमा चयन भएका हुन् । यस्तै ३ नम्बर प्रदेश समितिको उपाध्यक्षमा सुदिप सिवाकोटी, सचिवमा राजन अधिकारी र कोषध्यक्षमा लोकेश लिम्बु चयन भएका छन् । अधिवेशनले हरिहर सिंह राठौर र गिरिजा अधिकारीलाई सल्लाहकारमा चयन गरेको छ । अध्यक्षमा निर्वा्चित भए सँगै अध्यक्ष नारायण सिलवालले प्रदेशभित्र रहेका प्रत्येक जिल्लामा राष्ट्रिय फोटो पत्रकार समुह गठन गरिने र फोटो पत्रकारहरुको लागि क्षमता अभिबृद्धिका लागि तालिम चलाईने बताएका छन् ।

यस्तै सोमाबार नै भएको फोटो पत्रकार समूह धादिङको अधिवेशनले मनिष दुवाडीको अध्यक्षतामा ९ सदस्यीय कार्यसमिति चयन गरेको छ ।