होराईजन खबर डट कमको प्रथम वार्षिक उत्सव तथा जनप्रतिनिधि सम्मान कार्यक्रम सम्पन्न

धादिङ ०२ श्रावण
होराईजन खबर डट कमको प्रथम वार्षिक उत्सव तथा जनप्रतिनिधि सम्मान कार्यक्रम सोमबार धादिङ बेसीमा सम्पन्न भएको छ ।

प्रथम वार्षिक उत्सवको अवसरमा स्थानीय तह निर्वाचनमा निर्वाचित भएका जनप्रतिनिधिहरु र होराईजन खबर डटकमका कर्मचारीहरुलाई सम्मान गरिएको थियो ।

कार्यक्रमलाई सम्बोधन गर्नुहुदै प्रमुख अतिथि समेत रहनुभएका बागमती प्रदेश सभा सदस्य एवं माओवादी केन्द्रका केन्द्रीय सदस्य जगत सिंखडाले विकास निर्माणका कार्यहरुमा भएका अनियमितता, त्रुटि, लापरवाहि र कमिकमजोरीहरुको खोज गरि जनतामाझ ल्याउन सञ्चार कर्मीहरुलाई आग्रह गर्नुभएको छ ।

पत्रकार महासंघ धादिङका अध्यक्ष राजाराम शर्माले धादिङको पत्रकारिता सुदृढ बन्दै गएको बताउँदै होराइजन खबर आम नागरिकको पक्षमा समाचार सम्प्रेशण  गर्न सफल हुने बताउनु भयो ।

होराईजन खबर डट कमका सम्पादक गजेन्द्र गुरुङको अध्यक्षता रहेको कार्यक्रममा बागमती प्रदेश सभा सदस्य एवं माओवादी केन्द्रका केन्द्रीय सदस्य जगत सिंखडाको प्रमुख आतिथ्य रहेको थियो भने विशेष अतिथिहरुमा माओवादि केन्द्रका केन्द्रिय सदस्य राम बहादुर भण्डारी, नीलकण्ठ नगरपालिकाका नगर उपप्रमुख दिपक विश्वकर्मा, होराईजन खबर डटकमका सल्लाहकार डिल बहादुर गुरुङ, रुबिभ्याली गाउँपालिका अध्यक्ष राम सिंह तामाङ, राप्रपा धादिङका उपाध्यक्ष श्याम सिंह ठकुरी, नेपाल पत्रकार महासंघ धादिङका अध्यक्ष राजाराम शर्मा लगायत विभिन्न राजनैतिक दलका प्रतिनिधिहरुको सहभागिता रहेको थियो ।