धादिङको गल्छी बाँझ गाउँमा बोलेरो जिप दुर्घटना, ४ जनाको मृत्यु, १० जना घाइते

धादिङ ६ आषाढ
धादिङको गल्छि गाउँ पालिका ६ बाँझगाउँमा बोलेरो जिप दुर्घटना भएको छ । दुर्घटनामा परि ४ जनाको घटना स्थलमै मृत्यु भएको हो । गल्छि ५ सिरुवानी बाट बैरेनी तर्फ आउँदै गरेको बा १८ च ९४०८ नम्बरको जिप दुर्घटनामा परेको हो । दुर्घटनामा अन्य १० जना घाइते भएका छन् । घाईतेहरुको उद्धार कार्य जारी छ । जिप माथिल्लो सडकबाट पल्टेर तल्लो सडक सम्म आईपुगेको हो ।
दुर्घटनामा परी मृत्यु हुनेमा गल्छि गाउँपालिका वडा नम्बर ४ का ३८ बर्षिय राजु रम्तेल,सोहि स्थानकै ३२ बर्षिय सेते मिजार,गल्छि गाउँपालिका वडा नम्बर ६ बस्ने ३० बर्षिय कान्छि भुजेल र गल्छि ६ कै ३५ बर्षिय नानु तामाङ रहनुभएको छ । घाइतेहरुको उद्धार गरी अस्पताल लाने कार्य चलिरहेको र घटनाको थप अनुसन्धान जारी रहेको जिल्ला प्रहरी कार्यालय धादिङले जानकारी दिएको छ ।