धुवाकोटमा सवारी दुर्घटना हुँदा १ जनाको ज्यान गयो

धादिङ ०५ आषाढ
बिहीबार दिउँसो निलकण्ठ न.पा.१४ धुवाकोट, डाँडागाउँको पाङ्ग्रे खोलाको उकालोमा धादिङबेशी बाट सेमजोङ तर्फ जाँदै गरेको ना १ ज ६०२१ नं. को बोलेरो दुर्घटना भएको हो । गाडी उकालोमा चढ्न नसकि पछाडि हट्ने क्रममा दुर्घटना भएको प्रहरीले बताएको छ । दुर्घटनामा परि १ जनाको उपचारको क्रममा मृत्यु भएको छ भने अन्य ४ जना घाइते भएका छन् । गाडी दुर्घटना हुँदा आत्तिएर हाम फाल्दा घाइते भएका हुन् । घाइतेहरुको जिल्ला अस्पताल धादिङमा उपचारको लागि ल्याइएको छ । घटनास्थलमा प्रहरीको टोली गइसकेको र चालक अनिल तामाङलाई नियन्त्रणमा लिएको प्रहरीले जानकारी दिएको हो । घाइते हुनेमा मृतक शेर बहादुर लामाकी श्रीमती कान्छी लामा, नेत्रावती गाउँ पालिका २ बस्ने नर बहादुर तामाङ, उनकी श्रीमती नीरमाया तामाङ र २ वर्षीय छोरी रेनिशा तामाङ रहेका छन् ।